احلى ما قيل في الغزل

بسم الله الرحمن الرحيم
جيت اتظلم سيدي واطلبك في لفت النظر****هل تنصف المظلوم من ظلم الزمان اللي وطاه
معذور لو جيت اتعذر غيري تعذر وانعذر**** مااخطيت لكن الزمان اخطى وحملني خطاه
حق علي اصبر ومن صبر على شي قدر****والصبر لو فيه المراره من ملذات الحياه
على سفينة حبكم ظميان في عرض البحر****هبت عليه العاصفة ثم انتثر ماعون ماه
بين البدايــه والنهايــه لانجاه ولا مفــــــــر****يقبل ويقفي يستدير بدون وجهه واتجاه
والموت قام يدارج التابــــوت لابواب القبــر****والموج غاضب والكفن منسوج بخيوط الوفاه
يبس شفاياه الظما واذا تصبـــــر ماقــــــدر****واذا شرب من ماء البحر زاد الظما على ظماه
قطــع رجاه من الحياة وبركــه حكم القــــدر****بارك كما يبرك بعير شال حمل ماقواه
وحارت بعينه دمعته لو جات في صلد الحجر****ذاب الحجر كما يذوب الكحل من عين الفتاه
ماهــو بوده يلفــظ انفاسه ولا حوله بشـــــر****اما صديق بيحه ولا ولد عم بكاه
ولا عفــيفات يطرن الجيــوب من القهــــــر****هذي رمت عنها القناع وهذي رمت عنها العباه
على ظهر سفينته يطوي مسافات العمـــــــر****مستوحش وحشة نبي الله يونس في دجاه
وفجأه وهو ساهي خطف عينه سنابرق ظهر****يبرق على بعد المدى ويضيح في الغبه سناه
وحنت مباكير الرعود وهب نسناس المطــر****ريح المطر يطرق وريده والسحب غطت سماه
أديب ومغامر وشاعر له مع الذكرى عبـــر****يسرد مسلسل قصته للي وراه من الرواه
لاحظ على بـياض ثوبه نقطــتين من حبـــر****هاضت شجونه مد كفه للقلم جر الدواه
وتذكرتك ياظامر السرجوف ياترف النحــر****ياغايته ومناه في دنياه ياشمعة هواه
انت السفينه والبحر لي جاك علمي والخبـر****وانت الظما والماء بليا شك وبدون اشتباه
البـــارحه لك وامس لك واليوم وايام الدهــر****الليل ليلك والنهار يشع من خدك ظياه
يابو جديل اشقــر مثل الشعـاع اذا انتشــــر****ولاكما نبع الغدير اللي تحدر للوطاه
يابو حجاج دارته تشـــبه هلال اتلى الشهــر****والخشم سيف جرده حامي السريه من خباه
والعين نجديه ترعرع في محاجرها السحـر****لي سلهمت برموشها جرت فؤادي من عراه
خد كما روض الزهور ولا قمر خامس عشر****من استلذ بحبته حول على جمر الشفاه
جمر الشفاه اللي توقد فوق وضـــاح الثغــر****ومبيسمك لاواهني من قبله ولا سقاه
ياقوتـــة في رقدتــك كنــه مبللهــا الخمــــر****خمر الثمان ومن طعم خمر الثمان ادرك مناه
والعنيق عنق الجازية لي روحت حل العصر****لي روحت من بطن وادي وامرحت في اللي وراره
وتــفاحــتين بابليـــة في بساتــــين الصـــدر****الصدر راوي والخصر طاوي كما خصر المهاه
فخذك فخذ بكر تغض الطرف وتحب الستـــر****والساق تحفة عاج لامثله ولا في مستواه
وخضاب كفك جنة خضراء على ضفة نهــر****ولا جناح الطير لأذهب حس قناص رماه
هذي وصوفك يالطيف الروح يالظبي العفــر****وأنت الذي ربي على كل المزايين اصطفاه
وأنت الذي طيفك يسامرني على ضوح القمر****أوسده يمناي وأقلب صفحة الذكرى معاه
وقف ترى عمري بدونك يابعد عمري هــــدر****ولا تعال اودعك وأكـتب معك لأهلي وصاه
وصاة مجنون قضى نحبه وهو يهذي شعـــر****يهذي بحب اللي غرس رمح المحبه في حشاه
ياونتي ونة ممنوعير عظم ساقه ماجبــــــــــــر****ولا فونة الأسحم اللي طاردينه من عشاه
ياما عليك آجر ونات العشايا والفجــــــــــر****وأبكي كما يبكي يتيم يممنوعر الخاطر بكاه
ياسيدي حلمك علي وانا اعتذر عن مابــــدر****أصفح عن المذنب ولا تسمع دعايات الوشاه


كلمات الشاعر مهذل اليـــــــــــامي
تحياااتي